Алматы әкімдігі қоғамдық көліктердегі жол ақысын қымбаттатпақ. Бұл жөнінде қалалық мәслихаттық депутаты, «Ауыл» партиясының мүшесі Асхат Қабашев мәлімдеді. 

— Алматы мәслихатының 16 сессиясында негізгі мәселелерден бөлек, қоғамдық көліктердегі жол ақысын 80 теңгеден жоғарлату қарастырылды. Тарифті 20 теңгеге өсіріп, тасымалдаушыларға берілетін субсидия көлемін қысқарту арқылы қаланы дамытуға әжептәуір қаржы үнемдейміз,  — деді Қабашев. 

Бірақ депутаттың бұл мәлімдемесіне қала тұрғындары наразы. Әлеуметтік желілерде халық қала басшылығын қоғамдық көліктен қаржы үнемдемей, ешкімге керегі жоқ жобаларды қаржыландыруды тоқтатуға шақыруда. Олар әл-Фараби көшесіне жаяу жүргіншілерге арнап көпір салуды, тұңғыш президент саябағын реканструкциядан өткізудің қажеті жоқ деп есептейді.  

Айта кететін бір жайт, тұңғыш президент саябағын қайта жөндеуден өткізу құны 127 миллион теңге.